Mkutano wa kimataifa juu ya Syria waanza

Mkutano wa kimataifa unaoazimia kumaliza mzozo wa Syria unafanywa mjini Geneva, huku bado kukiwa na tofauti baina ya Urusi na mataifa ya magharibi, kuhusu jee rais wa Syria anafaa kubaki au la.

Urusi, ambayo imekuwa ikiisaidia serikali ya Rais Assad kwa hali na mali, imepinga madai kwamba Rais Assad anafaa kuondolewa madarakani.

Lakini baada ya kuzungumza na Waziri wa Mashauri ya Nchi za Nje wa Marekani, Hillary Clinton, Waziri wa Mambo ya Kigeni wa Urusi, Sergei Lavrov, alishikilia kwamba kuna matumaini makubwa ya kupata makubaliano.

Bi Clinton kwa uapnde wake alisema bado kuna tofauti na matatizo baina yao.